يُمَه يقولون عشق البنت "مو عادي

من طرف **ريتال** الثلاثاء مارس 23, 2010 12:53 pm

يُمَه ذبحني بغلاه ... وطبعه الهادي
هو صاحب الفضل في هالعشق ... والمنة

مدري انا البادية ... والا هو البادي
بس المهم الهوى فينا غرز سِنه

يُمَه تماديت به والقلب متمادي
ومشاعري ضيعن قلبي ... وذلنه
من قبل اعرفه وقلبي بالهوى غادي
وعقبه عرفت النعيم وريحة الجنة

اقلق مزاجي هواه ... وعكر رقادي
وعروق قلبي من النشوة يحزنه

افز من عز نومي بحلمي انادي
اوِن بإسمه ... وترجع لإذني الونة

يُمَه يقولون عشق البنت "مو عادي"
والا الولد لو عشق يمكن يجي منه ...؟!