ياعظيمه

من طرف **اسيرة الشوق** السبت مارس 06, 2010 7:02 pm

يا عظيمه كل شيٍ له حـدود ولـه نهايـه
لكن انتي ماوقفتي عنـد حـدّك ياعظيمـه

استلذّيتـي بطعنـاتـي واخذتيهاهـوايـه
كن ما لك حربـةٍ توجـع وطعنـاتٍ أليمـه

آه ليتـك مـا تماديتـي بطعنـات البدايـه
لين صار لكل طعنه فالحشـا معنـى وقيمـه

الله يبيحك ولكن كيف فـي أغـرب روايـه
تكتبين الحب كذبـه والهـوى دقّـه قديمـه

وانتي اللي كل ما لـدّت عيونـك فالمرايـه
ما لمحتي الا اليتيم اللي خذت قلبـه يتيمـه

واليتيمه فاليتامـى مالهـا حـق الوصايـه
الوصيّه عودها الغـض ونوايـاه السليمـه

لكن انتي صار لك حق الوصايـه والولايـه
واستبدّيتي وشدّوا البدو واضحيتـي مقيمـه

ما رحلتي لين حطّمتي بمـا فيـه الكفايـه
عاقلٍ حب الجنون وصوت نارك في مشيمـه

استبحتي حرمة المجنون بـادراك وعنايـه
والتفتّي له بعقلك وارتكزتي فـي صميمـه

امتلكتي غايته لو كـان مالـه فيـك غايـه
وانتصرتي في عيونه واعترف لك بالهزيمـه

من كثر ما يعشقك ماقال لك بالحـب رايـه
خايف الأيـام لا تطلـع عواقبهـا وخيمـه

في طريقك كل ماكنّه لمـس درب الهدايـه
تاه ودروب الحيـاة المستقيمـه مستقيمـه

تايهٍ بصري ومـن جابـه لبيـت الله تايـه
عذر من غمّض بعين وعينه الأخرى كريمـه

فدوتك مافات من ليّام واللـي عـاد جايـه
يا بعد عمرٍ مخاسيره معك عنـدي غنيمـه

أنتي الفارع بقـد وجـد واسمـاء وكنايـه
من عشق مثلك يجوز من الهوى وشداد ريمه

ليه لا وانتي بحسنك في ذوات الحسن آيـه
لا ذهب لا ماس لا ياقوت لا احجارٍ كريمـه

شاعرٍ له مع هل الرايـات فالمرقـاب رايـه
كل ماهبّـت هبوبـك فلّهـا قـدر وحشيمـه

سامحك من ألف باء الذنب الى مالا نهايـه
واستباحك عن خطـاه وكـل طـقٍ بتعليمـه

يوم قلتـي أعطنـي حرّيتـي أطلـق يدايـه
ما ذخر عن وجهك الا طعنتينٍ فـي صميمـه

من طرف **Nancy** الأحد مارس 07, 2010 8:59 am

تسلم الايادي
ويعطيكي الف الف عافية يالغلا
دمتي بإذن الله

من طرف **ريتال** الأربعاء مارس 10, 2010 10:55 pm

روووعه كروووعة كاتبتهاا
تسلمين يالغلا

ياعظيمه

ياعظيمه

رد: ياعظيمه

رد: ياعظيمه