خَلّوه .. يَجْرَحْنِي

من طرف **ريتال** الأربعاء أبريل 07, 2010 4:01 am

خَلّوه .. يَجْرَحْنِي و يِرتـاح .. خَلّـوه
يِبُوح .. باشْيَاء ٍ .. قديمَـهْ .. كتمْهـا

لا مَاعَلى .. طَعْنات يَدّيـه .. مَشْـروه
أسْتاهل الطّعْنَهْ .. واجِي .. و اغْتنمْها

قُولوا لهْ انّي قلْت يانـاس ..عانُـوه
ذا .. قَلْبَهْ الغالي.. وروحِـي حَكمْهـا

هُو منْ كسَبْني يـوم غيـرَهْ تَحَـدّوه
لو كنْت ( ديرَهْ ) كان قلْبَهْ.. ( عَلمْها )

مَاغرّني غيـرَهْ ولا الْغيـر .. غَـرّوه
لكنْ مباني الحـبْ .. حَظّـي هَدَمْهـا

في حفْرَة الضّيقَهْ .. اذا طاح.. شلّـوه
هُو منْ حَيَاتِي .. بالسّعـادَهْ رسَمْهـا

طلْتَهْ ولا غيري من النّاس .. طَالـوه
لَهْ هيبة ٍ .. عنّ جدْ.. انـا أحْترمْهـا

بَقول يَاقلْـب ٍ نفَـعْ نَـاس .. بَاعـوه
زمنْ نفَعْ نَاس ٍ .. و نَاس ٍ .. ظَلمْهـا

بَرْحَل عنْ ديَارَهْ .. وفالقَلب .. انْسـوه
مــــتْدَفّـي بنَـار ٍ..فُـــراقَـهْ فَـــحمْـهـا

مَجْبُور أجَافِي .. بَسّ وصّوه .. وصّوه
يَذكرْ لِيالـي .. حبّنـا .. ويْحشمْهـا

مَاجَاه مِنّي.. أيْ غَلْطَـهْ .. ومَكْـرُوه
راح بشموخَهْ.. والمَحَبّه ..حَسمْهـا

خَلّوه يَنْسانـي .. ويِرْتـاح .. خَلّـوه
مَادامَها .. فَرْقا .. ورَبّـي.. قسَمْهـا

من طرف **Nancy** الإثنين أبريل 12, 2010 12:53 pm

مَاجَاه مِنّي.. أيْ غَلْطَـهْ .. ومَكْـرُوه
راح بشموخَهْ.. والمَحَبّه ..حَسمْهـا

خَلّوه يَنْسانـي .. ويِرْتـاح .. خَلّـوه
مَادامَها .. فَرْقا .. ورَبّـي.. قسَمْهـا
يعطيكي العافية غاليتي رتوله
دمتي يالغلا على هذه الروووعة وتسلم الايادي
تقبلي مروري
أختك وصديقتك
نانســـــــــــــــــــي

من طرف **ريتال** الثلاثاء أبريل 13, 2010 9:22 pm

يعافيك ربي نانسي
الرووووعه في حضورك
لا عدمنااااااااااا ها الحضور

خَلّوه .. يَجْرَحْنِي

خَلّوه .. يَجْرَحْنِي

رد: خَلّوه .. يَجْرَحْنِي

رد: خَلّوه .. يَجْرَحْنِي