توكـ صغيرة...وبتديتي تحبين .....

من طرف **ريتال** السبت أبريل 03, 2010 3:21 pm

>>]توكـ صغيرة..."
تـوّك صغيـره وابتديتـي تحبيـن
من علّمك ليل السهر ياصغيـره

بدري عليك العشق يابنت هاللحيـن
حرام هذا القلب وشهـو مصيـره

انتي بريئه في الهوا ليه تشقيـن
دروبـه طـوال ٍ عليـك وعسيـره

رحتي بدرب ٍ ماله اصلا ً عناويـن
وانتي مشاويرك مـن اول قصيـره

ياطفلة ٍ حبّت وراحت على ويـن
عقب الهنا ذقتي الحيـاه المريـره

وينك ووين الحب والشوق والبين
عنّيتي عيونـك وصرتـي سهيـره

امحق تسلّـي كـان ودّك تسلّيـن
الورد لولا اللّون وشهـو عبيـره

خلّيتي دروسك وصرتـي تحاتيـن
الدرس في ديـره وصرتـي بديـره

وصرتي بعد من غير هذا تغاريـن
والمشكلـه يابنـت منتـي خبيـره

نصيحتـي لـك كـان ودّك ترديـن
يـم السعـاده والحيـاه المثـيـره

خلّـك بجـو العايلـه لا تعـدّيـن
مامـا وبابـا والعجـوز الظريـره

شيبانـك اللّـي مايبونـك تعانيـن
من بينهـم عشتـي كأنّـك أميـره

الحب قبلـك هـز نـاس ٍ كثيريـن
وخلاّ القلوب تعيش هـم ٍ وحيـره

الحب يفضح لا انكشف داخل العيـن
وانتي بنفّسـك ماهقيتـك بصيـره

طيعي كلامي واحـذري لا تماديـن
تراجعي لاعل فـي الأمـر خيـره

عيشي الطفوله والبراءه لك سنيـن
وبعديـن حبّـي لا غديتـي كبيـره

[/center][/center]
[/center]

من طرف **Nancy** الأحد أبريل 04, 2010 8:52 am

رااااااائع يعطيكي الف الف عافية غاليتي
دمتي
لك كل الشكر

من طرف **ريتال** الأحد أبريل 04, 2010 1:48 pm

يعافيك ربي
منورة

توكـ صغيرة...وبتديتي تحبين .....

توكـ صغيرة...وبتديتي تحبين .....

رد: توكـ صغيرة...وبتديتي تحبين .....

رد: توكـ صغيرة...وبتديتي تحبين .....