تعلمتي على الايميل و عندك عالمسنجر نــــــــاس

من طرف **ريتال** الأربعاء يناير 27, 2010 2:11 am

تعلمتي على الايميل و عندك عالمسنجر نــــــــاس
حلفتي لي صديقاتك وياما كـــــــــــــــذب الحالف

صدفه ساقها ربي وبلا قصد عرفــــــــــــت الباس
فتحته وشفت كم صورة معاهم كم رقم هاتـــــــف

أنا وش ذنبي يوم اني عطيتج صــــــادق الاحساس
لعبتي فيه و ما صنتيه بكذب احساسك الــــزايف

ترى عرق الذي مثلج ولو طال الزمن دســــــــاس
واذا فيك الغــــدر مذهب ترى مسموحه ما يخالف

عرفته مذهب امثالك وكل شي راجـــــــــــع لساس
وانا ما عـــــــاد يعني لي غرامك صار شـي سالف

طفح قدرج من الزحمه طلع ما فيه بـــــــلا ملاس
فضح امرك غباء وطيش و قلبي صار لـك عارف

فضيحه ذوقج الواطـــــــي محتفظه بصور نسناس
عمى يعميج يا فلانه على الصورة ترى صــارف

قعد يومين يتكشخ و عــــلى كرسي المصور خاس
فوتوش ورســـم لعيونــــه وخـشـــــــم لوجهه مخالف

وصـــورة ذاك المعضل مصور لج بــــدون لباس
صحيح اللي ختشو ماتو فقدته ذوقــــــــــــــج التالف

قويـة عين ما تخيلين ولا تحشمين عالي الـــــراس
قليلة اصل من يومج أنا الغلطان أنا عـــــــــارف

لكـن والله ما أرجع قدرج تحت رجلي انــــــــــداس
بعد مــــا خنتي الـبــــــــاقي وبدلتيه بالــــــــــذالف

عـيشي اليوم ندمانه وذوقـــــــــي الهم و الوسواس
وانا غيرج بيوفي لي و يضمد جرحـــي النـــازف

بكمل لج بعد ساعه متأخــــر وعندي كـــــــــلاس
اذا في وقـــــــــــت تنتظرين على الايميل بنتشاوف

و اذا مشغوله لج عذرج عندج دوري عندج كاس
مثل جــدر الهريـــس اصبحتي كلمن يغرف وطايف

رخيصه وبيزه ما تسوين وحبج قمة الافـــــــلاس
و من مثلي رفيع الشــــان حـــــــــرام وياج يتوالف

لعبتي من ورى قلبي وفضح لعبج شـــــديد الباس
واذا غمضت انا في يوم ترى رب المـــــــلا شايف